Primary Menu

Top Menu

September 25, 18

ஆபத்தான நிலையில் இருந்த கேரள கர்ப்பிணிப் பெண் ஹெலிகாப்டரில் மீட்பு

கேரளத்தில் ஆலுவா பகுதியில் வெள்ளம் சூழ்ந்ததால் வெளியேற முடியாமல் பனிக்குடம் உடைந்த நிலையில் இருந்த கர்ப்பிணியை கடற்படையினர் மீட்டு மருத்துவமனையில் சேர்த்தனர். அங்கு அவருக்கு ஆண் குழந்தை பிறந்தது.

ஆலுவா பகுதியை சேர்ந்தவர் சஜீதா ஜபீல். இவர் நிறைமாத கர்ப்பிணியாக இருந்தார். இவர் வசித்த வீட்டை சுற்றிலும் வெளியேற முடியாத அளவுக்கு வெள்ளம் சூழ்ந்து கொண்டது.

இந்நிலையில் நேற்று அவருக்கு பிரசவ வலி ஏற்பட்டது. இதையடுத்து அவரை மருத்துவமனைக்கு கொண்டு செல்ல முடியாத நிலை ஏற்பட்டது. தகவலறிந்த கடற்படையினர் கடற்படை விமானம் மூலம் ஆலுவா பகுதியை அடைந்தனர்.

அங்கு பனிக்குடம் உடைந்து ஆபத்தான நிலையில் இருந்த சஜீதாவை மீட்டு கடற்படை மருத்துவமனையான ஐஎன்எஸ் சஞ்சீவினியில் அனுமதித்தனர். இதையடுத்து அவருக்கு ஆண் குழந்தை பிறந்தது.

தாயும் சேயும் நலமாக உள்ளதாக நேவல் மருத்துவமனை மருத்துவர்கள் தெரிவித்தனர். இதே போல் சென்னையில் கடந்த 2015-ஆம் ஆண்டு நடந்த வெள்ளத்தின் போது நிறைமாத கர்ப்பிணியான சித்ரா கழுத்தளவு நீரில் சிக்கியதை அடுத்து அவரை யூனிஸ் என்ற இளைஞர் மீட்டு மருத்துவமனையில் சேர்த்தார். அவருக்கு பெண் குழந்தை பிறந்தது என்பது குறிப்பிடத்தக்கது.

ஆண் குழந்தை

 

 

 

Comments

வங்கிகளின் வாராக்கடன் குறைவு – அருண்ஜெட்லி

மீட்பு நடவடிக்கைகள் எடுக்கப்பட்டு...

Leave a Reply

Left Menu Icon
Right Menu Icon